Германската канцеларка Ангела Меркел денеска рече дека ќе направи сè за проблемот со распределувањето на бегалците меѓу членките на ЕУ да се реши со консензус, а не со просто надгласување.
Министрите за внатрешни работи на ЕУ утре повторно ќе ги разгледуваат квотите за сместување на барателите на азил, а лидерите на ЕУ подоцна во текот на денот за тоа ќе разговараат на иста тема.
Меркел предупреди дека „не може и не смее да има решение преку ноќ“ за бегалската криза и ќе бидат потребни дополнителни состаноци.
