fbpx

Машиновозачите бараат колективен отказ ако бидат суспендирани или отпуштени нивни колеги

Тони Димовски, претставник на машинскиот персонал во Железници на РСМ-Транспорт и претседател на Синдикатот на машиновозачи во изјава за Мета.мк вели дека доколку навистина се суспендираат 12 колеги или добијат отказни решенија, тогаш тие бараат од менаџерскиот тим да им даде отказ на сите машиновозачи

-

Раководството на Железници на РСМ-Транспорт подготвило список со 12 вработени во компанијата кои ќе бидат суспендирани од работното место поради актуелниот бојкот кој резултира веќе шести ден во прекин да е патничкиот и товарниот железнички превоз во земјава, информира Тони Димовски, претставник на машинскиот персонал во Железници на РСМ-Транспорт и претседател на Синдикатот на машиновозачи.

Тој во изјава за Мета.мк вели дека доколку навистина се суспендираат 12 колеги или добијат отказни решенија, тогаш тие бараат од менаџерскиот тим да им даде отказ на сите машиновозачи.

Димовски вели дека уште утре администрацијата да им искуца решенија за отказ на сите машиновозачи, а државата во тој случај ќе остане без машински персонал кој ќе ги управува возовите. Ова е ставот на машиновозачите кои се во бојкот веќе шести ден.

Тони Димовски вели дека за основна плата од 23.000 денари која што ја земаат во Железници на РСМ-Транспорт може да работат и на друго место, а притоа да не се малтретираат. Инаку, додека трае бојкотот на машиновозачите, патничките и товарните возови во земјава не сообраќаат.

Од Железници на РСМ-Транспорт пак вчера испратија соопштение, во кое се наведува дека со прекинот на железничкиот сообраќај се нанесуваат огромни материјални и нематеријални штети на стопанството, како и на двете железнички претпријатија во земјава.

Од раководството на Железници на РСМ-Транспорт се на став дека прекинот на работа, односно бојкотот е незаконит, бидејќи не е организиран согласно Законот за работни односи и Колективниот договор. Менаџерскиот тим предупреди дека ќе ги преземе сите законски мерки за повторно воспоставување на железничкиот сообраќај во земјава.

Вработените кои бојкотираат се надеваат дека ќе добијат поддршка во прекинот на работењето и од своите колеги во јавното претпријатие за железничка инфраструктура и информираат дека го продолжуваат бојкотот.

Денеска, машиновозачите во Железници на РСМ-Транспорт упатија демант на соопштението на раководството на државната железница, отфрлајќи го тврдењето дека земале плата од 60.000 денари и информирајќи дека нивната основна плата е 23.000 денари.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Повеќе од 30.000 починати во Газа, најголем дел се жени и деца

Повеќе од 30.000 Палестинци се убиени во Газа од 7 октомври до денес, според податоците на Министерството за здравство на Хамас, а најголем број од починатите се жени и...