Најдобрата вест од двата митинга е дека поминаа без инциденти, иако за само 30 часа во Скопје, според различни процени, се собраа помеѓу 50.000 и 120.000 граѓани.
Во високозапалива атмосфера, сето тоа помина без никаков инцидент, иако некои стравуваа, некои навиваа, а некои, дури, и се надеваа дека ќе има насилства.
Иво Котевски, помошник-министерот за внатрешни работи, за „Мета“ вели дека полицијата немала никакви интервенции.
– Сè беше мирно. Ние, како полиција, немавме никакви интервенции, ни во неделата ниту, пак, во понеделникот – рече Котевски.