Последните шокантни настани со интервенција на полицијата против студентите и губењето на милиони евра од Европската Унија наменети за Македонија, се јасна порака дека мора да се стави крај на оваа власт, се вели во заклучокот од денешната средба меѓу раководствата на Либерално-демократската партија (ЛДП) и Либералната интернационала (ЛИ).
На средбата, потпретседателот на ЛДП, Зоран Шапуриќ, ги запознал гостите од ЛИ со моменталната политичка состојба.
– За што поскоро ефикасно решение на политичката криза, потребно е обединување и формализирање на еден широк демократски опозициски фронт, кој ќе ја врати Македонија кон нејзините уставно гарантирани вредности на слобода, демократија и на правда – изјавил секретарот на ЛИ, Џевдет Чакаров.
