Русија денеска ги отфрли како медиумска измама извештаите на „Хјуман рајтс воч“ (ХРВ) за тоа дека во руските воздушни напади во Сирија имало цивилни жртви, вклучувајќи и деца.
Организацијата за заштита на човековите права се повикува на жителите на северниот град Хомс, кои ги изнеле обвиненијата за убивање на 59 цивили, вклучувајќи и 33 деца. „Хуманс рајт воч“ смета дека руските власти треба да ги проверат овие извештаи.
Портпаролот на Кремљ, Дмитриј Песков, го отфрли ваквиот извештај.
– Во претходните неколку дена видовме бројни медиумски измами и намерно објавување податоци за последици од руски воени воздушни кампањи во Сирија. Сметам дека ова е еден таков извештај – рече Песков.