fbpx

Корона вирусот влезе во пет нови текстилни компании во Штип

-

Работници од пет текстилни компании и нивни блиски деновиве ги чинат новите бројки на заболени лица од ковид-19 во Штип. Вчера имаше 14 потврдени случаи, денеска бројката е близу десет, но не се комплетирани резултатите од тестирањата од уште две лаборатории, потврдуваат од Центарот за јавно здравје од Штип.

Сите компании, освен една, редовно работат. На лекување се болните, додека нивните контакти се во самоизолација, меѓутоа, прекин на работниот процес, нема.

Засега нема план за организиран скрининг, како што тоа беше случајот пред два месеци, кога по појавата на ковид-19 во една текстилна компанија, беше направен скрининг во шест компании.

Од денеска на еднонеделен одмор се стотина работници од текстилна компанија, каде изутрината се потврдени два случаи на ковид-19, а десетина се појавиле на работа со симптоми. Сопственикот најавил дека сите работници ќе бидат тестирани, по што ќе продолжат со работа.

Во Центарот за јавно здравје велат дека повеќе во Штип не може да се зборува за кластери. Вирусот е раширен насекаде. Инфицираните не знаат точно од каде заболеле, а кога им се прави епидемиолошка анкета, даваат податоци во просек за 15 други луѓе, што според епидемиолозите, зборува дека имале интензивни контакти.

Во Клиничката болница во Штип има 53 хоспитализирани пациенти, од кои неколку се со потешка клиничка слика.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Стружанец кривично ќе одговара бидејќи нападнал медицинска сестра

Основното јавно обвинителство Струга информира дека е поведена постапка против 52-годишен жител на Велешта за кого постои сомнение дека сторил кривично дело, напад врз здравствен работник. Тој на 29 февруари...