Комесарот за човекови права на Обединетите нации, Зеид Рад ал Хусеин, денеска го повика Советот за безбедност да го зголеми надзорот во Либија и да преземе акција против кршењето на правата. Апелот доаѓа по објавувањето на извештајот во кој се документираат тортурата и насилството во земјата во изминатите две години, по соборувањето на Моамер Гадафи и по големите поделби меѓу двете ривалски влади.
Истражителите во изминатите месеци сослушале 250 жртви и сведоци и примиле 900 жалби.
Беззаконието им овозможи на милитантите на Исламска држава да заземат територија во Либија и на трговците со луѓе да организираат транспорт на мигрантите кон Европа.