Кина оформи три нови воени тела, односно единици во рамки на реформите кои треба да ги модернизираат вооружените сили и да ја зголемат нивната борбената готовност.
Државната телевизија денеска емитуваше снимка на која претседателот Кси Ѓинпинг им предава воени знамиња на лидерите на трите нови единици – генерална команда на Народната ослободителна армија, на ракетните сили и на силите за стратешка поддршка.
Кси Ѓинпинг рече дека трите нови единици се формирани за да се модернизира и да се исполни кинескиот сон за силна армија.
Кинеската војска во моментов брои 2,3 милиони лица, а во план е да се намали за 300.000.
