САД сметаат дека егзодусот на бегалците од Блискиот Исток во Европа е глобален предизвик, изјави американскиот државен секретар Џон Кери.
– Тоа не е проблем на некој друг. Тоа е тест за сите нас – истакна Кери во Вашингтон на заедничката конференција за новинари со германскиот министер за надворешни работи, Франк Волтер Штанмајер.
САД сметаат дека бегалската криза е глобален проблем, рече Кари, наведувајќи дека ударот најпрво го почувствувале Јордан, Либан и Турција.
– Тие поднесоа неверојатен товар во овие четири години на војна – рече Кери.
Американскиот државен секретар нагласи дека приоритет е постигнувањето политичко решение во Сирија за да се запрат војната и приливот на бегалци.
