Претседателот на Европскиот совет, Доналд Туск, утре доаѓа на средба со претседателот Ѓорге Иванов, со кој ќе разговара за бегалската криза.
Посетата е дел од минитурнејата на Туск, во чии рамки, од 1 до 3 март, тој ќе ги посети Виена, Љубљана, Загреб, Скопје и Атина, за да се продолжи со градење на европски консензус за справување со мигрантската криза, но и за подготовка на Самитот ЕУ – Турција на 7 март и на Европскиот совет на 17 и на 18 март.
Посетата на Туск, која е најавена на неговата веб-страница, ја потврдија и од кабинетот на претседателот Иванов. Пораките со кои доаѓа претседателот на Европскиот совет се тие што тој ги искажа пред Европскиот парламент на 24 февруари.
