Принцезата од Велс, Кејт Мидлтон и нејзиниот сопруг, принцот Вилијам, се „длабоко трогнати“ од пораките за поддршка добиени откако таа ја објави дијагнозата на рак, изјави портпаролот на палатата Кенсингтон, oбјави „Гардијан“.
Кејт Мидлтон во петокот рече дека е подложена на превентивна хемотерапија, откако тестовите направени по нејзината операција на абдоменот во јануари, открија дека има рак.
42 годишната сопруга на престолонаследникот, откритието за рак го нарече „голем шок“. Веста дојде како нов удар за британското кралско семејство, со оглед на фактот дека и кралот Чарлс е на третман од рак.
Изјавата на Кејт преку видео порака, која беше снимена во замокот Виндзор во средата, предизвика излив на поддршка од добронамерници.
Принцезата од Велс откри дека и е дијагностициран рак и дека е во рана фаза на третман со хемотерапија. Деталите за каков вид карцином станува збор не се објавени, но од Кенсингтонската палата изјавија дека се уверени дека принцезата целосно ќе закрепне. Во изјавата, Мидлтон објаснува дека кога имала операција на абдоменот во јануари, не се знаело дека е присутен ракот.
„Сепак, тестовите по операцијата покажаа дека има рак. Мојот лекарски тим затоа ме советуваше да одам на превентивна хемотерапија и сега сум во рана фаза на тој третман“, изјави принцезата.
Таа рече дека мисли на сите заболени од рак, додавајќи: „До сите кои се соочуваат со оваа болест, во која било форма, ве молиме да не губат верба и надеж. Не сте сами.”
Кетрин рече дека на нејзиниот сопруг, принцот Вилијам, им било потребно време да им ја објаснат ситуацијата на нивните три деца, Џорџ (10), Шарлот (8) и Луис (5).
