Кубанскиот претседател Раул Кастро, на Генералното собрание на ОН, рече дека односите меѓу Куба и САД ќе се нормализираат доколку официјален Вашингтон преземе одредени мерки, вклучувајќи и укинување на трговското ембарго.
Кастро, исто така, рече дека е неопходно САД да ѝ ја врати на Куба воената база Гвантанамо и да стави крај на емитувањето антикомунистички пораки на островот.
Американскиот претседател Барак Обама нагласи дека го поддржува укинувањето на трговското ембарго со Куба и нагласи оти е уверен дека таквата одлука наскоро ќе биде одобрена и во американскиот Конгрес.
Во текот на денешниот ден, според најавите на светските медиуми, двајцата лидери треба да имаат билатерална средба во Њујорк.