Лидерот на Беса, Билал Касами, вечерва побара предвремени парламентарни избори, истакнувајќи дека неговата партија има двојно повеќе гласови во споредба со ДУИ.
– Во Македонија згасна една партија на Албанците и сега ДУИ слободно може да се смета за разгранок на СДСМ. Оваа партија вечерва згасна и СДСМ стана суверен за повеќето Албанци. ДУИ веќе ја нема, но затоа има еден разгранок на СДСМ – рече Касами, истакнувајќи дека победата на ДУИ е поради коалицијата со СДСМ.
Касами го призна поразот во Тетово и во Чаир и им се заблагодари на симпатизерите на Беса и на Алијансата за Албанците.
– ДУИ победи со гласовите на СДСМ, но ние победивме во сите општини со гласовите на Албанците – рече Касами.
