Учениците од прва година средно образование, кои ги исполнуваат условите за бесплатен јавен превоз во Скопје, билетите ќе ги добијат во матичните училишта каде ја следат наставата, информираат од ЈСП-Скопје.
Од ЈСП соопштуваат дека учениците од повисоките одделенија, во случај да има потреба од нова електронска картичка „Скопска“ (поради изгубена картичка и слично), нова/дупликат можат да обезбедат во било кој центар за персонализација на ЈСП Скопје.
„Неопходно е да достават потврда од училиште и да платат еднократен надомест од 200 денари за изработка на картичката“, информираат од ЈСП-Скопје.
Од ЈСП-Скопје појаснуваат дека средношколските билети за бесплатно користење на јавен превоз, важат за сите градски и приградски линии во период од 05 до 24 часот, односно, тие единствено не важат за користење на ноќните линии.