Наша клучна задача во претстојниот период ќе ни биде опремување и модернизација на армијата. Продолжуваме со реформите и со контрибуциите во меѓународните мировни мисии, а тоа го правиме бидејќи со овие реформи обезбедуваме натамошно јакнење на Армијата, истакна министерот за одбрана на Македонија, Зоран Јолевски во обраќањето на свеченоста по повод Денот на АРМ – 18 Август.
Јолевски рече дека процесот за прием на 160 професионални војници е пред самиот крај, додека оваа година се планира примање на дополнителни 90.
– Овие војници поминаа низ ригорозен процес на селекција, што гарантира прием на најквалитетните и најдобро подготвените кандидати, физички и интелектуално – рече министерот.
