Првата група на израелски туристи утре ќе пристигнат во Охрид. Од „ТАВ Македонија“ информираат дека групите туристи од Израел во Охрид ќе престојуваат со посредство на израелскиот туристички оператор „Аркиа интернационал“.
Израелските туристи на охридскиот аеродром „Св. Апостол Павле“ ќе бидат пречекани од министерот за транспорт и врски, Владо Мисајловски, генералниот менаџер на „ТАВ Македонија“, Зоран Крстевски, градоначалникот на Охрид, Никола Бакрачески, и од директорот за маркетинг и за продажба во „Аркиа интернационал“, Анат Ахаром.
