Египетското крило на Исламска држава ја презеде одговорноста за нападот во кој беа убиени четири лица во хотел на северот на Синај, главниот град на провинцијата Ал Ариш, каде престојуваат судиите што ги надгледуваат парламентарните избори.
Изјавата на групата од синајската провинција циркулира меѓу нивните приврзаници на „Твитер“, преку шифрираниот систем на пораки „Телеграм“.
Државната телевизија и безбедносните извори наведоа дека најпрво експлодирал автомобил-бомба, а потоа и друга експлозија одекнала во таа област, десетина минути подоцна.
Бомбашот-самоубиец се обидел со автомобилот-бомба да влезе во хотелот, пред безбедносните сили да отворат оган врз него, по што експлодирал автомобилот, прецизираа безбедносните извори.