Ирак денеска доби нова пратка авиони „Ф-16“ од САД, соопшти канцеларијата на премиерот Хајдер ал Абади.
Ирак нарача 36 авиони по цена од 65 милиони долари по летало, но иницијалната испорака беше одложена од безбедносни причини, откако Исламска држава минатата година зазеде голем дел од Ирак.
Четири авиони слетале во воздухопловната база Балад, соопшти офицер на ирачкото воздухопловство.
Испораката е објавена на денот кога почна воената офанзива против исламистите во провинцијата Анбар, западно од Багдад.
