fbpx

Инспекторите затворија уште пет маркети, не ги продавале производите по намалени цени

„Во повеќе наврати напоменав дека секој мора да ги почитува законите и Одлуките на Владата. Исто така, нема да дозволам никој да ги манипулира и доведува во заблуда граѓаните - потрошувачите“, напиша на Фејсбук директорот на Државниот пазарен инспекторат Трајковски

-

Директорот на Државниот пазарен инспекторат, Горан Трајковски информира дека инспекторите казниле и затвориле уште пет маркети во земјава, и тоа во Кавадарци, Гостивар, Куманово и Тетово. Тој им се заблагодари на сите граѓани кои пријавуваат неправилности во Државниот пазарен инспекторат на 02/191.

„Во повеќе наврати напоменав дека секој мора да ги почитува законите и Одлуките на Владата. Исто така, нема да дозволам никој да ги манипулира и доведува во заблуда граѓаните – потрошувачите“, напиша на Фејсбук, директорот Трајковски.

Тој апелираше до сите трговци дека нема да има компромис ниту селекција во постапувањето на пазарниот инспекторат, кога е во прашање интересот на граѓаните.

Инаку, казните и затворањата на маркетите се поради тоа што истите не ја почитуваат владината одлука за замрзнување и намалување на цените на 24 категории прехранбени производи, меѓу кои лебот, млекото, јогуртот, оризот, тестенините, месото, кашкавалот и сирењето. Од вчера на сила е и мерката за замрзнати цени на безалкохолни пијалаци и светло пиво. Одлуката е биде на сила до 30 ноември.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Инспекторите засилено да проверуваат дали во градинките има невакцинирани деца против голема кашлица

Членовите на Комисијата за заразни болести препорачуваат периодов да се засили инспекцискиот надзор во градинките за да се види реалната слика со вакцинирани и невакцинирани деца со ДиТеПер вакцина...