Минатата недела беше потврдено дека сопственикот на Тесла и еден од најбогатите луѓе на светот, Илон Маск откупи 9,2 отсто од акциите на Твитер и дека ќе стане дел од одборот на директори на големата социјална мрежа. Оваа вест ја потврди и извршниот директор на Твитер, Параг Агравал.
Во неговиот последен твит, главниот извршен директор напиша дека Маск по своја волја одлучил дека нема да стане дел од одборот и покрај тоа што одборот веќе му понуди место.
„Ние имавме многу дискусии во врска со неговото приклучување кон бордот, разговорите се водеа и директно со Илон. Ние верувавме дека дека тој ќе понуди посветеност и доверба во компанијата како и сите останати членови и ќе работи од нејзин интерес и од интерес на сите други акционери. Од тие причини му понудивме место и истото го објавивме во вторникот, и оваа одлука требаше да стапи на сила од 9-ти април. Илон уште истото утро, во вторникот сподели дека нема да стане дел од одборот и тоа е негова одлука што ние ја почитуваме. Верувам дека вака е најдобро. Ние секогаш го цениме придонесот на нашите акционери без разлика дали се дел од одборот или не, а Илон е најголемиот акционер во Твитер па компанијата останува отворена за неговиот придонес“, пишува во твитот на Агравал.
Elon has decided not to join our board. I sent a brief note to the company, sharing with you all here. pic.twitter.com/lfrXACavvk
— Parag Agrawal (@paraga) April 11, 2022
Маск поседува 9,2 од акциите на компанијаа и истото го објави минатиот понеделник на 4-ти април, еден ден пред одборот да ја именува својата одлука. Неговата позиција требаше да биде диркетор од втора класа до 2024 година.
И покрај постојаните забелешки, коментари како и анкети за подобрување на Твитер, неговиот последен потег со откупување голем дел од акциите, Маск одлучи дека нема стане дел од управниот одбор на Твитер.
