Денеска, во 13 часот, во Клубот на пратеници ќе продолжат средбите на работните групи за изборното законодавство. Како што информираат претставници на политичките партии, кои се учесници во работните групи, деновиве не се очекува да се постигне договор. Крајниот рок за постигнување договор за изборното законодавство е 6 октомври, а договор се очекува да се постигне исто како и за специјалниот обвинител, пред истекот на рокот.
Најголемите политички партии се договорија околу изборот на членови на ДИК и го прифатија предлогот на СДСМ, според кој тие ќе се бираат по формулата „три плус три плус три“, односно тројца членови ќе бидат на предлог на власта, тројца од опозицијата и на нив ќе им се приклучат тројца експерти кои ќе бидат избрани со двотретинско мнозинство во Собранието.
