Политичката клима во Албанија е тензична, оцени еврокомесарот за соседска политика и за проширувње, Јоханес Хан, кој од вчера попладне престојува во дводневна посета на Тирана.
– Политичката клима е тензична и се надевам дека сите ќе се ангажираат за надминување на тензиите бидејќи во чекорењето на земјата кон ЕУ, значајно е постоење на една позитивна клима – изјави Хан.
Денеска Хан ќе има средби со албанскиот претседател Бујар Нишани, првиот човек на Парламентот, Илир Мета, со премиерот Еди Рама и со лидерот на најголемата опозициска политичка сила, Демократската партија, и актуелен градоначалник на Тирана, Љуљзим Баша. Предвидени се средби и со претставници од бизнис-заедницата и од граѓанскиот сектор.
Хан, заедно со премиерот Рама, ќе го предводи дијалогот на високо ниво околу петте приоритети за членство на Албанија во ЕУ.