Неколку извори од Хамас велат дека договорот за ослободување на заложниците кои беа заробени од Хамас за време на нивниот напад врз Израел на 7 октомври е речиси готов, известува Би-би-си. Хамас се подготвени да го прифатат договорот.
Лидерот на Хамас Исмаил Ханијех, кој живее во Катар, испрати изјава до Франс-прес (АФП) и други новински агенции оти се блиску до финализирање на договорот.
Анонимни високи функционери од Хамас изјавиле за АФП дека договорот би вклучувал петдневно примирје, ослободување на 50-100 заложници (не вклучувајќи војници-заложници) и ослободување на околу триста палестински затвореници во Израел.
Исат ел Решик, претставник на Хамас, пак, изјави за Ал Џезира дека моменталниот фокус на преговорите се времетраењето на примирјето, доставувањето хуманитарна помош во Газа и размената на израелски заложници за палестинските затвореници. Според него, двете страни би ослободиле жени и деца.
Дополнително, Џон Кирби, висок безбедносен функционер на САД вели дека иако нема новост околу договорот за размена, двете страни се поблиску до успешни преговори од што биле досега. Претседателот на САД Џо Бајден исто така искоментира дека преговорите се движат во добар правец.
Израел сѐ уште нема официјално коментирано во однос на евентуалниот договор, иако амбасадорот на Израел во САД рече дека има надеж за договор во текот на следните денови.
Инаку, Индонезиската болница, која е единствениот здравствен објект којшто и понатаму функционира во северот на Газа, е опкружен со израелски тенкови. Сведоци за Би-би-си велат дека уште се слушаат и повремени истрели околу болницата од време на време.
.jpg){kind=link}
