Премиерот Никола Груевски денеска, како што информираат од Владата, ќе ги посети општините Битола и Охрид.
Според предвидената агенда, во Битола премиерот ќе присуствува на свечено отворање на фабрика за чипс во селото Кравари.
Во Охрид, планирано е Груевски да ја посети специјалната болница за ортопедија и за трауматологија „Св. Ерезмо“ и да изврши увид во градежните активности за реконструкција на болницата.
Премиерот ќе го посети и комплексот од црквата „Света Богородица Перивлепта“ во Охрид, а посетата на градот треба да ја заокружи со промоција на нов апарат за мамографија во општата болница.
