За само 20 минути, градот што синоќа ги погоди Македонска Каменица и селата Моштица, Костин Дол и Косевица ги уништи овошките, а посевите останаа на земја.
– Цели дваесет минути без прекин паѓаше град со големина на јајце од кокошка. Ништо не остана. Пластениците се со сто отсто штета. Исто и на овошките и зеленчукот. Се е на земја. Дури е уништен и колекторот за соларна енергија – се пожалија жители на Моштица.
Комисиите за проценка на штетите утре ќе излезат на терен. Потоа за висината на обештетувањето ќе одлучува Државната комисија за проценка на штeти од природни катастрофи.