Германија и понатаму прима околу 2.000 бегалци на ден, но, исто така, секојдневно одбива по 200 бегалци од своите граници, изјави министерот за внатрешни работи, Томас де Мезијер.
– На луѓето што бегаат од војна, им нудиме безбедност и заштита во Германија – изјави Де Мезијер во интервју за германскиот весник „Билд ам зонтаг“.
Германија лани прими рекордни 1,1 милион бегалци и мигранти, што ги оптовари службите на таа земја и предизвика остра политичка дебата.
