Околу 630.000 лица илегално влегле во Европа од почетокот на годинава, соопшти Фабрис Легери, шеф на агенцијата за надзор на границата Фронтекс, во разговорите за француската новинска агенција „Ебра“.
Говорејќи за најголемата миграциска криза во Европа по Втората светска војна, тој се зазеде за европска соработка. – Земјите-членки мораат да разберат дека наместо да распоредуваат стотини полицајци на своите државни граници, подобро би било да ги испратат на надворешните граници. Првата граница на Франција е во Вентимигла, но, исто така, и на Лампедуза, на островот Лезбос и во Мелила – нагласи тој.
Легери истакна и дека ако секоја држава се справува со кризата на своја територија, без да се координира со соседите, приливот на мигранти нема да престане од земја во земја, а тоа ќе им наштети на сите.
