Европската комисија го поздрави враќањето на опозицијата во Собранието

Европската комисија го поздрави враќањето на опозицијата во Собранието. Портпаролката на ЕК, Маја Коцијанчич, рече дека сега е време Собранието да почне да работи на реформските приоритети во интерес на целата земја.

– Ние го поздравуваме фактот дека опозицијата сега е вратена во Собранието. Знаете дека тоа е дел од Договорот посредуван од Европската унија, кој беше постигнат во јуни и во јули годинава. Многу е важно овој договор да се имплементира. Ние очекуваме Собранието да почне да работи на реформските приоритети во интерес на целата земја – изјави Коцијанчич.

Што се однесува до специјалниот јавен обвинител, Коцијанчич рече дека на ова прашање сè уште се работи и дека очекуваат партиите да ги задржат и да ги имплементираат сите договорени обврски.

– Комисијата, особено комесарот Јоханес Хан, го следи ова одблиску и очекува прогрес и на ова поле – додаде таа.