Претставниците на Европската унија и на Турција синоќа во Брисел постигнале договор за начините за надминување на бегалската криза.
На прес-конференцијата по завршувањето на Самитот ЕУ-Турција, претседателот на Европскиот совет, Доналд Туск, претседателот на Европската комисија, Жан-Клод Јункер, и турскиот премиер, Ахмет Давутоглу, соопштија дека е утврден акциски план за справување со проблемот со имигрантите.
Според планот, Турција ќе добие три милијарди евра за справување со бегалците во камповите, а се предвидува и зголемување на сумата доколку тоа е потребно. Со договорот се превидува Турција да го запира приливот на имигранти од нејзина територија кон Европа.