Турскиот претседател Реџеп Таип Ердоган го осуди нападот на аеродромот „Ататурк“ во Истанбул, оценувајќи дека целта била „Турција да се поткопа, посегнувајќи по невините“.
„Јасно е дека целта на овој напад не беше постигнување на некаков резултат, туку создавање пропаганда против нашата земја, користејќи ја крвта и болката на невините луѓе,“ наведе Ердоган во соопштението.
Тој порача дека очекува светот да заземе одлучен став против тероростичките групи и повика на заедничка борба против тероризмот, пренесуваат агенциите.
Бидејќи нападот се случи за време на светиот месец Рамазан, Ердоган наведе дека со тоа се покажува дека тероризмот напаѓа без разлика на верата и на вредностите.
Ердоган вели дека Турција нема да се откаже од борбата против тероризмот и дека неговата земја има сила, одлучност и капацитет во таа борба да оди до крај.
