Цистерна со 34.000 литри гориво експлодирала на автопат во јужниот дел на Њу Џерси, САД.
Американските медиуми пренесуваат дека цистерната од непознати причини се превртела, по што горивото се запалило и предизвикало експлозија.
Возачот на камионот успеал да излезе од кабината пред да се случи екплозијата.
Инцидентот се случил денеска, а објавените снимки покажуваат дека цистерната која е во пламен, се наоѓа само на неколку метри од станбена зграда. Димот се гледа и од Филаделфија, која е одалечена осум километри.
Пожарникарите се обидуваат да го локализираат пожарот, а од превентивни причини евакуирани се околните куќи, додека сообраќајот е целосно во прекин.
