Две лица ги загубиле животите во сообраќајна несреќа што утринава, околу 3.30 часот, се случила на булеварот Партизански одреди во населбата Карпош.

Несреќата се случила кога такси-возило, марка „мерцедес“, од засега непознати причини, излетало од коловозот, а потоа првин удрило во жардињера, па во дрворедот на булеварот.

Во несреќата на самото место починале возачот на такси-возилото, 35-годишниот А.В., и 37-годишната С.К. од Скопје.

Екипа на СВР Скопје извршила увид на местото на несреќата, а по наредба на јавен обвинител телата на починатите се дадени за обдукција.