Случајот со прислушувањето може да ги наруши партнерските односи во владината коалиција и затоа за ова прашање треба сериозно и вниматално да се дискутира, оцени ДУИ на денешниот централен одбор на партијата, одржан во Гостивар.
Според генералниот секретар на партијата, Абдилаќим Адеми, дел од заклучоците донесени на централниот одбор ќе бидат и точки на дневен ред на тематскиот конгрес на партијата, што ќе се одржи на 28 и на 29 март.
– Треба внимателно да се дискутира за политичката криза затоа што таа може да има сериозни последици во повеќе аспекти на општествените и на политичките односи. Од денешната дискусија ќе произлезат и предлози за тематскиот конгрес на ДУИ, закажан за викендов – изјави Адеми.
На конгресот, како што најави Адеми, ќе се дискутура и за економската состојба, Рамковниот договор и евроинтеграциите на Македонија.
З.Д.
