Очекувањата за вкупните порачки (договори) за градежни работи се дека тие ќе се зголемат во наредните три месеци, а очекувањата за бројот на вработените се дека тој ќе остане на исто ниво во наредниот период, објави Државниот завод за статистика.
Оцената за економската состојба во второто тримесечје од 2015 година е речиси на еднакво ниво како во претходното тримесечје, а поповолна во однос на второто тримесечје од 2014 година.
Оцената за финансиската состојба на градежните деловни субјекти е дека е понеповолна во однос на претходното тримесечје, а оцената за сегашната состојба со порачки (договори) е поповолнa споредено со претходното тримесечје.
Во наредниот период се очекува продажните цени да се намалат, a бројната состојба и квалитетот на механизацијата и на опремата во второто тримесечје од 2015 година ја надинуваат нормалата.
Најголемо влијание врз ограничувањето за подобрување на тековната градежна активност имаат зголемени финансиски трошоци (камати) со 18,3 проценти, зголемени трошоци за материјали со 16,8 проценти, недостиг од обучен кадар со 13 процнети и зголемени трошоци за труд со 10,5 процнети.
