Членовите на Државната изборна комисија денеска имаат седница на која расправаат за предлог-барањата што ќе ги испратат до институциите, кои во согласност со Изборниот законик треба на комисијата да ѝ ги достават сите податоци за гласачите што таа ги бара.
На седницата се разгледуваат барањата за Министерството за информатичко општество и администрација, Министерството за внатрешни работи и за Министерството за надворешни работи.
Исто така, на седницата се расправа и за предлог-роковникот според кој Комисијата треба да ги одреди сите рокови за завршување на постапките.
Членовите на ДИК на денешната седница ќе расправаат и за барањето до Министерство за надворешни работи да распише предвремени парламентарни избори и предлог-образецот за запишување, дополнување и за бришење на податоците за гласачите кои ќе гласаат во дипломатско-конзуларните претставништва.
Денешната седницата ја води претседателот на ДИК, Александар Чичаковски, кој вчера, кога беше точката на гласање за тоа дали избирачкиот список е подготвен за фер и демократски избори, ја напушти седницата.
Заедно со него, вчерашната седница ја напуштија и членови на ДИК од СДСМ, Виолета Дума и Горан Милев, кои денеска не учествуваат на седницата, а во ДИК немаат информации зошто се отстутни.
