fbpx

ДИК рачно ги проверува записниците, неофицијалните конечни резултати попладне

-

Од утрово повторно функционира веб страната на Државната изборна комисија (ДИК), откако синоќа падна во времето кога требаше да се објават конечната излезност на парламентарните избори и првичните резултати.

Сега во функција се и веб страните izbirackispisok.gov.mk и prigovori.sec.mk, но јавноста и понатаму нема увид во резултатите од изборите и конечната распределба на мандати бидејќи нема пристап до линкот https://rezultati.sec.mk/ каде треба да се објават истите.

Од ДИК се обратија преку електронска пошта со кратко соопштение до медиумите во кое велат дека сè уште рачно се проверуваат записниците за сумирање и утврдување на резултатите од избирачките места и општините.

„Државната изборна комисија Ве информира дека сè уште се врши прием на материјалот од општинските изборни комисии и при тоа рачно се проверуваат записниците за сумирање и утврдување на резултатите од избирачките места (записници бр.16), како и записниците за сумирање и утврдување на резултатите од општините (записник бр. 21), со цел точно да можат да се утврдат неофицијалните конечни резултати“ соопштија од ДИК.

Оттаму не дадоа конкретен термин кога ќе одржат седница, само кусо информираат дека неофицијалните конечните резултати ќе бидат соопштени на попладневната седница, за која „благовремено ќе известат“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Малолетници во притвор за планирање терористички напад во Германија

Четворица малолетници на возраст од 15 и 16 години завршија во истражен затвор поради сомнение дека планирале терористички напад. Тие, наводно, го подготвиле нападот „во согласност со целите и...