Девет луѓе ги загубиле животите во поплавите кои од четвртокот минатата недела, беснеат во американската сојузна држава Јужна Каролина, јавуваат светските медиуми. Десетици илјади жители од погодените региони останале без електрична енергија и без вода за пиење, соопштиле локалните власти.
Според информациите, поради големите врнежи, попуштиле неколку насипи на реките и на езерата во главниот град Јужна Каролина, Колумбија, кои припадници на националната гарда се обидуваат да ги затворат со вреќи песок.
Поради поплавите, затворени се повеќе од 500 патишта и мостови, а градската управа соопштила дека ќе работат само службите за итна помош.
