Десетици илјади луѓе протестираа во Манчестер заради мерките за штедење на британската влада. Протестот беше организиран под слоганот „Не за штедењето, да за правата на работниците“, а учествуваа околу 60.000 луѓе.
Протестот е организиран поради, како што наведува организаторот, владината „штетна програма за штедење и нејзин напад на правата на работниците и на нивните синдикати“.
Некои од демонстрантите носеа плакати на кои пишуваше „Организирај се, штрајкувај, покажи отпор“, „Не бомбардирајте ја Сирија“.
Конзервативците кои освоија најголем број места во парламентот на општите избори во мај, ги намалуваат буџетските издатоци, за државата најпосле да остварува профит и отплата на долговите.
