Денеска во 18 часот втор протест во Прилеп

По вчерашниот масовен протест против полициската брруталност во центарот на Прилеп, каде значителна бројка граѓани излегоа да ја поддржат иницијативата што бара отставка од министерката за внатрешни работи, поради обид за прикривање на убиството на Мартин Нешкоски, денеска се организира продолжение на протестот.

По неколку несакани моменти, каде провокатори се обидоа да предизвикаат инциденти со полицијата, обид кој навремено беше спречен од свесните луѓе во толпата, иницијаторот на вчерашните протести се повлече, поради грубото мешање и тенденциозното однесување на група од демонстрантите, чие однесување постојано беше закана за компромитирање на мирниот протест.