Општинското раководство на ВМРО-ДПМНЕ веќе неколку денови го мобилизира членството за вечерашниот митинг во Скопје. Во општинскиот комитет на партијата најавуваат масовно присуство.
Според нивните најави, организирано, главно со автобуси, како и со други превозни средства, попладне кон Скопје ќе тргнат најмалку 2.000 лица.
– Заедно со своите сограѓани, денеска ќе покажеме, како и секогаш досега, како партијата се бори и ќе се бори за стабилна, силна и економски развиена Македонија. Ќе кажеме „не“ на сите црни сценарија, кои се во насока за дестабилизација на нашата Македонија и ќе докажеме дека интересите на државата и на граѓаните се пред личните и партиските интереси. Ќе покажеме дека се бориме за почитување на правото на глас и за почитување на изборната волја, за отворање нови работни места, нови фабрики, училишта, за изградба на автопати, стадиони, патишта и друго. Ќе дадеме поддршка на безбедносните сили за зачувување на државните приоритети и интереси. Ќе се заложиме за правата на земјоделците, за младите, за пензионерите, работниците и за сите други – изјави Атанаско Михаилов, претседател на ОК на ВМРО-ДПМНЕ од Охрид.