Нов земјотрес со јачина од три степени според Рихтеровата скала денеска околу 11 часот ја погоди Црна Гора, што претставува четврти земјотрес во последните 24 часа.
Епицентарот на земјотресот бил на 13 километри југоисточно од Подгорица, каде беа епицентрите и на претходните три земјотреси, соопшти Сеизмолошкиот завод на Црна Гора.
Сите потреси биле со помала јачина, до 3,9 степени според Рихтеровата скала, и не предизвикале материјална штета.