На автопатот во правец Неготино – Велес, синоќа, од страна на полициски службеници за граничен надзор, бил даден светлосен сигнал за запирање на патничко моторно возило „сеат толедо“.
Возилото било со грчки регистарски ознаки, управувано од Н.П. (29) од Република Бугарија.
Од извршената контрола, констатирано било дека во возилото се превезуваат седум странски државјани од Сомалија и од Сирија на возраст од 20 до 23 години. По целосно документирање на случајот, против Н.П. ќе биде поднесен соодветен поднесок, додека илегалните мигранти ќе бидат сместени во Прифатниот центар за странци во Скопје.
