Бројот на работници во индустријата е поголем за 1,2 отсто во септември годинава во споредба со истиот период лани, објави Државниот завод за статистика.
Во овој период, бројот на работниците во секторот рударство и вадење камен бележи опаѓање од 2,8 проценти, а пораст бележат секторот преработувачка индустрија од 1,6 отсто и секторот снабдување со електрична енергија, гас, пареа и климатизација од 0,4 отсто.
Во периодот од јануари до септември годинава, во однос на истиот период лани, порастот изнесува 1,7 отсто.