fbpx

Божилов: Сите тврдења дека камионот со експлозивот минал преку Бугарија се дел од руската хибридна војна

-

Речиси сите бугарски медиуми ги пренесоа руските обвинувања – дека експлозивното средство со кое беше кренат во воздух Кримскиот мост, било замаскирано во полиетиленска фолија, на вкупно 22 палети, со вкупна тежина од 22 тони, и од Одеса товарот бил испратен за бугарското пристаниште на Дунав, Русе. Ова се случи откако Федералната служба за безбедност (ФСБ) на Русија обвини дека несреќата, односно „експлозијата“ на Кримскиот Мост, е наводно дело на украинските служби.

Ваквите руски тврдења се недокажливи, а со ваквото известување бугарските медиуми, всушност се вклучија во рускиот „хибриден напад“, вели Јордан Божилов, поранешен заменик министер за одбрана на Бугарија и актуелен директор на Софискиот форум за безбедност, во интервју за бугарскиот онлајн-медиум mediapoool bg.

„Вмешувањето на Бугарија во експлозијата на Кримскиот Мост е однапред смислено и има за цел да докажува дека зад експлозијата стојат странски држави, главно членки на НАТО, бидејќи една од тезите на руската пропаганда е дека НАТО војува против Русија. Сите подметнувања од типот ‘камионот со експлозивот минал преку Бугарија’ се елемент од руската хибридна војна и ние се поведовме по тоа“, вели Божилов.

Тој посочува дека сега Русија е изолирана земја, на чија територија има протести и незадоволство, дека ситуацијата во Украина не е поволна за Русија, па на Русија ѝ се неопходни вакви експлозии, симболични чинови, коишто ќе ги користи за поткрепување на својата пропаганда.

Во интервјуто за mediapoool bg, Божилов вели дека Бугарија нема сврзаност со експлозијата и тоа веднаш требало да го порачаат бугарските институции.

„Тоа е контекстот во кој е ставена Бугарија. Јас категорично сметам дека Бугарија нема никава поврзаност со целата ситуација“, вели Божилов.

Изворmediapool.bg

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сајберпанк играта „Ghostrunner“ до утре е бесплатна на „Epic Games“

Играта „Ghostrunner“ со сајберпанк тематика, паркур скокање и прекачување каде играте „уличен самурај” што користи надградена катана и кибернетски импланти, е достапна за бесплатно преземање од „Epic Games“ до...