„Балкански форум за безбедност“ денеска во Охрид организира дебата за бегалската криза, насловена „Европската бегалска криза- причини за нејзината појава и можни последици по безбедноста на Република Македонија“.
Во фокусот на вниманието ќе се најде и Македонија како главна рута на бегалскиот бран.
Теми за дискусија ќе бидат геостратегиските и геополитичките аспекти на причините за појава на бегалската криза, меѓународно-правните стандарди за заштита на бегалците како патоказ за наоѓање ефикасни средства и методи за решавање на бегалската криза и бегалската криза и односите меѓу соседите во Југоисточна Европа – нови меѓусоседски заострувања или можности за создавање и изградба на стратегиски партнерства.
На панел-дебатата ќе бидат презентирани размислувања и ставови на експерти и авторитети, посветени на глобалните, регионалните и на македонските предизвици за политичко-економските и безбедносните ризици и движења.
