Утрово се одвива голема полициска акција за пронаоѓање соработници и поддржувачи на терористичката група инволвирана во случувањата во кумановско Диво Насеље.
МВР акцијата ја спроведува во повеќе кумановски села, а ја проширува и во некои скопски, при што вклучени се големи полициски сили, како и хеликоптери.
Според првичните информации, биле приведени неколку лица и во согласност со надлежниот обвинител за гонење организиран криминал, уапсените веднаш ќе се носат пред надлежниот судија.
Претресите продолжуваат во Скопско и во Кумановско. Повеќе детали ќе бидат објавени во текот на денот.
