Австрискиот канцелар Вернер Фајман го критикуваше својот унгарски колега Виктор Орбан, поради неговиот став за бегалската криза.
– Тој сигурно не е меѓу оние во Европа што се трудат да пронајдат заедничко решение, туку се однесува како силен човек. Но, од силен човек сега треба да очекуваме европско решение – изјави Фејман во интервју за австриски весник.
Канцеларот најави дека заедно со вицеканцеларот Рајхолд Митерленер, ќе се обидат да разговараат со Орбан.
Тој истакна дека Австрија врши притисок врз Словачка и врз Чешка, бидејќи тие две земји се покажале како неразумни соседи за време на бегалската криза и одбиваат фер распределба на бегалците во ЕУ.
Фајман истакна дека Европа не смее да доживее неуспех кога станува збор за актуелната бегалска криза.