Град Скопје и јавните претпријатија, во соработка со Здружението на стопанственици на индустриската зона Визбегово, почнаа акција за чистење и уредување на просторот во оваа зона, покрај Јадранската магистрала (Качанички пат).
– Градот Скопје посветува големо внимание на индустриските зони во Скопје и оваа акција произлегува од одличната соработка што ја имаме со Здружението на стопанственици на индустриската зона Визбегово. Ние редовно одржуваме состаноци со стопанствениците од сите индустриски зони во Скопје и ќе помагаме за нивниот развој во сите области кои се во наша надлежност. Денеска и утре ја спроведуваме оваа акција за чистење и за уредување на просторот покрај Јадранската магистрала, каде на терен се активирани три јавни претпријатија, со повеќе од 120 луѓе и механизација – рече градоначалникот на Град Скопје, Коце Трајановски.