fbpx

ААВМУ бара казни од 4.000 евра за Алсат-М и Шења за неизбалансирано известување во кампањата

-

Агенцијата за аудио и аудиовизуелни медиумски услуги (ААВМУ) поведе прекршочни постапки против телевизиите Алсат-М и Шења, бидејќи спротивно од одредбите во Изборниот законик при известувањето за изборната кампања не обезбедиле избалансирано покривање на изборниот процес во дневно-информативните и во посебните информативни емисии во согласност со принципот на пропорционалност според бројот на потврдени листи на кандидати за пратеници.

Од Основниот кривичен суд-Скопје во судската постапка што е во тек, ААВМУ бара изрекување на глоба од по 4.000 евра за двете телевизии, како и глоба во износ од 30 отсто од одмерената глоба за радиодифузерот за одговорните лица во Алсат-М и Шења.

Во образложението на ваквото барање, од ААВМУ посочуваат дека телевизија Шења во вестите покриени во мониторингот за време на кампањата известувала само за 4 од вкупно 15 учесници на предвремените парламентарни избори. Покрај тоа што не обезбедила квантитативната избалансираност во известувањето, Шења покажала и квалитативна разлика при медиумското покривање на учесниците во кампањата.

ААВМУ образложуваат дека и Алсат-М во медиумското известување за изборната кампања во дневниците покриени со мониторингот информирале само за активностите на 5 од вкупно 15 учесници на изборите, без притоа да објават информации за вонпарламентарните партии. Исто така, во посебните информативни емисии на Алсат-М биле реализирани интерјуа само со партиите и коалициите што биле дел од претходниот парламентарен состав, со исклучок на ДПА.

Покрај за медиумското известување во текот на кампањата, ААВМУ ја тужи Алсат-М и за прекршување на изборниот молк, во постапка која и понатаму е во тек пред скопскиот суд. Телевизија Телма доби ослободителна пресуда од судот во прекршочната постапка што ја поведе ААВМУ за прекршување на изборниот молк, но првата програма на Македонското радио и одговорното лице Марјан Цветковски беа казнети со вкупно 2.000 евра за прекршување на молкот. ААВМУ и двете судски одлуки за Телма и Македонско радио ги обжали пред Апелациониот суд.

foom-logo-disklejmer

Текстот е изработен во рамки на проектот „Опсерваторија на медиумските реформи“, што го спроведува Фондацијата за интернет и општество „Метаморфозис“, со финансиска поддршка на „Фондацијата Отворено општество – Македонија“.

Содржината на текстот е единствена одговорност на авторите и на ниту еден начин не може да се смета дека ги одразува гледиштата на „Фондацијата Отворено општество – Македонија“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Излезе играта „Senua’s Saga: Hellblade 2“

Излезе играта „Senua's Saga: Hellblade 2“, изработена од фирмата Ninja Theory. Во играта контролирате женски лик со проблеми со менталното здравје. Сенуа има свое алтер его што ја води...