fbpx

Завршува кампањата, од полноќ предизборен молк

За време на молкот, на 23 и на 24 април (до 19 часот), запира медиумското покривање во вестите и во посебните-информативни емисии на учесниците во изборните кампањи и за претседателските и за парламентарните избори

-

Вечерва на полноќ завршува изборната кампања за првиот круг од претседателските избори 2024 година и започнува изборниот молк кој трае до 19 часот на 24 април.

За време на молкот, на 23 и на 24 април (до 19 часот), запира медиумското покривање во вестите и во посебните-информативни емисии на учесниците во изборните кампањи и за претседателските и за парламентарните избори, информира Агенцијата за аудио и аудиовизуелни медиумски услуги.

Според Изборниот законик, за прекршување на изборниот молк се смета емитувањето на какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија изборна кампања и можат да влијаат врз одлуката на избирачите, податоци со кои го откриваат идентитетот на политичките субјекти и/или на поединци вклучени во инциденти или други неправилности на денот на гласањето, како и изјави од кандидати во изборниот процес, од учесниците во изборна кампања, од претставници на политички партии и од носители на функции во органите на власта.

Воедно, во деновите на изборниот молк е дозволено емитување на едукативната рекламна кампања на Државната изборна комисија (ДИК) за изборите 2024.

Седумтемина претседателски кандидати денеска продолжија со своите карвани. Стево Пендаровски, подржан од коалицијата „За европска Македонија “, предводена од СДСМ, имаше средба со жителите на Демир Хисар и митинзи во Ресен и Битола.

Кандидатката за претседател Гордана Силјановска Давкова, поддржана од ВМРО-ДПМНЕ и коалицијата е на средби и митинзи со граѓаните на Лозово, Карбинци, Пробиштип и на Штип.

Билјана Ванковска од Левица поддршката ја бараше во Кичево и во Гостивар.

Кандидатот за претседател Стевчо Јакимовски од ГРОМ има средби со граѓани од Ѓорче Петров и од село Волково. Претендентот за шеф на државата од ГРОМ, Стевчо Јакимовски, денеска се сретнува со жителите на Радовиш, Василево, Ново Село, Босилево и на Струмица.

Арбен Таравари од коалицијата „Вреди“ вечер ќе има митинг во Скопје на плоштадот Скендербег. Со агенда за презентирање на програмата продолжува и кандидатот од ДУИ и коалицијата Бујар Османи.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Просечната нето-плата во април изнесувала 41.085 денари

Просечната месечна исплатена нето-плата по вработен, во април во земјава изнесувала 41.085 денари, покажуваат податоците на Државниот завод за статистика (ДЗС). Индексот на просечната исплатена нето-плата во споредба со истиот...